04 Դկտ 2024
Բոլորս էլ մեր համակարգիչներում պահում ենք ֆայլեր, որոնք շատ կարևոր և զգայուն են, կամ էլ պարզապես չենք ցանկանում, որ ուրիշները դրանք տեսնեն: Բայց գիտե՞ք, որ միայն «ջնջել» հրամանը կամ «աղբամանից» դատարկելը բավարար չեն, որպեսզի այդ ֆայլերը ամբողջությամբ անհետանան: Նույնիսկ ջնջելուց հետո, դրանք հնարավոր է վերականգնել հատուկ ծրագրերի միջոցով: Այդ իսկ պատճառով անհրաժեշտ է ապահովել ֆայլերի անվտանգ ջնջումը, որպեսզի տվյալները ամբողջությամբ հեռացվեն և չվերականգնվեն:
Անվտանգ ջնջման պարզ և մատչելի մեթոդներ՝
Windows 11-ը ներառում է պարզ, բայց արդյունավետ գործիք՝ Cipher, որը ջնջում է տվյալների ազատ տարածքը՝ դրանք վերականգնման համար դարձնելով ոչ պիտանի:
Այստեղ «C» տառը ներկայացնում է այն սկավառակը, որի ազատ տարածքը ցանկանում եք մաքրել: Սա նշանակում է, որ նույնիսկ ջնջված ֆայլերի մնացորդները վերականգնման ենթակա չեն լինի:
Եթե ցանկանում եք ավելի շատ հնարավորություններ, փորձեք հատուկ ծրագրեր:
Այս ծրագրերը ֆայլերը ջնջում են բազմակի վերագրումով, ինչը նշանակում է, որ նույնիսկ փորձառու մասնագետները չեն կարողանա դրանք վերականգնել:
Ինչո՞ւ է սա կարևոր
Ջնջված ֆայլերը հաճախ կարող են պահել անձնական և ֆինանսական տվյալներ: Անվտանգ ջնջումը հատկապես կարևոր է, եթե պատրաստվում եք վաճառել կամ փոխանցել ձեր համակարգիչը կամ կոշտ սկավառակը այլ անձի: Այս մեթոդները կօգնեն վստահ լինել, որ ձեր տվյալները մնում են միայն ձեր սեփականությունը:
Խորհուրդներ
Ձեր տվյալները պաշտպանելն այսօր այնքան կարևոր է, որքան դրանք ստեղծելը: Այս մեթոդների օգնությամբ դուք կարող եք լիարժեք վստահ լինել, որ ջնջված ֆայլերը չեն վերականգնվի և հասանելի չեն դառնա չարտոնված անձանց համար:
Հոդվածի հեղինակ՝
Ալեքս Մարտիրոսյան
——————————
Սույն բլոգը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով:
Բովանդակության համար պատասխանատվություն է կրում Ինտերնյուս Նեթվորքի ենթադրամաշնորհառու Բազմակողմանի տեղեկատվության ինստիտուտը, և այն պարտադիր չէ, որ արտահայտի ԱՄՆ ՄԶԳ-ի կամ Միացյալ Նահանգների կառավարության տեսակետները: