Ապացույցների հավաքագրումը կիբեռմիջադեպերի ժամանակ

Ինտերնետային սպառնալիքների և թվային հարձակումների ժամանակ ճիշտ արձագանքելն ու փաստաթղթավորելն առանցքային նշանակություն ունեն՝ ինչպես անձնական անվտանգության, այնպես էլ իրավական պաշտպանության տեսանկյունից։ ԿիբեռՉատը տրամադրում է գործնական ուղեցույցներ՝ օգնելու քեզ վավերագրել նման դեպքերը։

Ինչո՞ւ է կարևոր թվային հարձակումների փաստաթղթավորումը․

Թվային հարձակումների փաստաթղթավորման գործընթացը ենթադրում է հավաքել և պահպանել տեղեկատվություն այն մասին, թե ինչ է տեղի ունեցել, երբ և ինչպես։ Սա կարող է օգնել՝

Վերլուծել իրավիճակը՝ հասկանալու հարձակման ծավալը և ազդեցությունը։
Ապացույցներ ունենալ՝ իրավական, տեխնիկական կամ այլ քայլերի համար։
Աջակցություն ստանալ՝ ԿիբեռՉատի մասնագետներից (տեխնիկական, իրավական, հոգեբանական) կամ համապատասխան կազմակերպություններից։

Ինչպես վավերագրել թվային հարձակումները և ինչ անել․

Նկարագրիր միջադեպը՝ նշելով ժամանակը, տեղի ունեցածը և ներգրավված անձանց։ Փորձեք հավաքագրել ցանկացած տեղեկույթ, որը կնույնականացնի հարձակվողներին։
Հավաքիր ապացույցներ՝ սքրինշոթներ, էլեկտրոնային նամակներ, հաղորդագրություններ, տեսանյութեր, լուսանկարներ, ձայնային նամակներ և այլն։
Պահպանիր տվյալները՝ ապահով վայրում, օրինակ՝ ամպային տիրույթում, արտաքին կրիչի վրա։ Ապահովության համար ցանկալի է տվյալները պահպանել երկու օրինակիով՝ տարբեր վայրերում։
Խորհրդակցիր մասնագետների հետ՝ անհրաժեշտության դեպքում դիմելով ԿիբեռՉատին, որպեսզի ստանաք համապատասխան աջակցություն։

Ընդհանուր խորհուրդներ․

Մի սպասիր՝ սկսիր փաստաթղթավորումը հնարավորինս շուտ։
Պահպանիր հանգստություն՝ նույնիսկ սթրեսային իրավիճակներում։
Հետևիր անվտանգության կանոններին՝ քո և քո տվյալների պաշտպանության համար։

——

Անցի՛ր մեր կայքի «Ի՞նչ անել, եթե» բաժինը, գտի՛ր այն դեպքի նկարագրությունը, որը համապատասխանում է քո ներկա իրավիճակին և ծանոթացի՛ր տեխնիկական, հոգեբանական և իրավական լուծումներին։ Եթե դժվարանում ես կամ հանդիպում ես խոչընդոտների, ապա կապվի՛ր մեզ հետ և մեր մասնագետները կաջակցեն քեզ։

——

Այս բլոգը մշակվել է Միացյալ Թագավորության կառավարության ֆինանսավորմամբ՝ ՄԹ միջազգային զարգացման շրջանակում` ՅՈՒՆԻՍԵՖ-ի համագործակցությամբ։ Բլոգում արտահայտված կարծիքները պատկանում են ԿիբեռՉատի հեղինակներին և հնարավոր է ոչ միշտ համընկնեն ծրագիրն իրականացնող կազմակերպությունների, Միացյալ Թագավորության կառավարության պաշտոնական քաղաքականության կամ պաշտոնական դիրքորոշման հետ: